Gangsterët shqiptarë janë kthyer në qendër të vemendjes dhe në krye të titujve të mediave angleze.
Sunday Express, i ka kushtuar një artikull të gjatë, shqiptarëve në Angli të cilët merren me drogë.
Hellbanianz” quhet grupi i cili është kryesisht me bazë në Barking, në lindje të Londrë. Ata janë një nga disa banda që kanë lidhje me mafien në atdheun e tyre dhe që merren drejtpërdrejt me kartelet e drogës në Amerikën Jugore.
Shumë nga anëtarët e bandës janë fëmijët e shqiptarëve që erdhën në Britani të Madhe si azilkërkues nga veriu i vendit ballkanik në fund të viteve 1990.
Gangsterët shqiptarë që e kanë qendrën në Londër postojnë fotografi të armëve, parave dhe makinave të tyre të shtrenjta, ndërsa bisedojnë në rrjetet sociale edhe për fitimet që marrin nga shitja e kokainës.
Ata thuhet se janë në krye për pastërtinë e kokainës që hyn në Britani dhe Agjencia Kombëtare e Krimit mendon se aftësia e gangsterëve shqiptarë për të importuar sasi të mëdha të kokainës ka çuar në tepricë në treg, duke u shoqëruar me atë të ashtuquajturin fenomeni i “linjave të qarkut”.
“Grupet e krimit shqiptar kanë krijuar një profil të lartë dhe shkallë ndikimi brenda krimit të organizuar në Mbretërinë e Bashkuar dhe kanë qasje të konsiderueshme në tregun e trafikimit të drogës në Mbretërinë e Bashkuar, veçanërisht kokainë. Ata po zgjerohen dhe rëndësia e tyre po rritet”, thuhet në një pjesë të artikullit.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/