Rama njofton për rifillimin e transportit, jep datën kur nisin fluturimet

Qeveria synon të lejojë rifillimin e fluturimeve nga data 18 maj por shqetësim për kryeministrin është karantinimi i atyre që do të futen në vend.

“Do të konsultojmë me ju të gjitha masat. Deri në datë 18 janë ato që janë pastaj do të vijë procesi i hapjes dhe flukseve për të hyrë në Shqipëri nga ajri apo toka, aty do të jetë një tjetër sfidë për të respektuar rregullat e karantinimit në shtëpi për ata që do të hyjnë në Shqipëri.

Do të ishte mirë që ministria e Shëndetësisë të përgatisë disa materiale sensibiluzuese për qytetarët në kushtet e rihapjes për kujdes dhe respektimin e masave” tha Rama gjatë mbledhjes së Komitetit të Ekspertëve.

Kreu i qeverisë deklaroi se po shikohet të gjendet një lloj formule dhe për rihapjen e transportit me autobusë e furgonë.

/DRONI.al/

/DRONI.al/