2 burra dhe një grua shqiptare arrestohen në Itali, policia zbulon vjedhjet seri të tyre, sekuestrohen sende ari

Policia e Trentos ka kapur sot në mëngjes tre qytetarë shqiptarë, dy burra e një grua, respektivisht të moshave 28, 31 e 26 vjeç, rezidentë në Milano e Trento.

Mesohet se ata jane hajdute te sendeve prej ari, si unaza, zinxhirë e byzylykë, me peshë të përgjithshme rreth 1 kilogram.

Të arrestuarit dyshohen si autorë të një serie vjedhjesh të kryera gjatë ditëve të fundit në Trento. Banda, në të cilën mund të ketë pasur edhe persona të tjerë, e kishte bazën në një apartament në lokalitetin Martignano.

Brenda banesës, treshja kishte instaluar edhe një sistem videopërgjimi të avancuar, për t’u paraprirë aksioneve të policisë si ky i sotmi. Për të shmangur vënien re nga hajdutët, agjentët pritën deri sa njëri prej tyre doli nga shtëpia për të vërshuar më pas brenda saj.

Policët kanë gjetur edhe 1000 euro e 7000 franga zvicerane, si dhe doreza, kapuçë malorë për mbulimin e fytyrës dhe mjete për çmontimin e gurëve të çmuar dhe dyerve të apartamenteve.

Me ekzaminimin e telefonave shpresohet të mësohet nëse kanë pasur edhe bashkëpunëtorë të tjerë si dhe për të vërtetuar nëse kanë qenë pranë vendeve ku janë kryer vjedhjet e ditëve të fundit.

/DRONI.al/

/DRONI.al/

Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/

loading...
Loading...

Leni një përgjigje