Një sulm me armë ka ndodhur në drejtim të një lokali në lagjen “1Maji” në Fier gjatë ditës së djeshme, ku per fat nuk u shënua asnjë viktimë apo person i lënduar. ABC Neës ka publikuar pamjet nga ngjarja e ndodhur rreth orës 18:45 në lagjen “1 Maji”, në vendin e quajtur “Kryqëzimi i Parkut”. Policia tha se ka identifikuar autorin e krimit, por nuk jep emrin e tij. “Dyshohet se autor i ngjarjes është shtetasi A. P., 47 vjeç, i cili është shpallur në kërkim”, thuhet në njoftim. Burime jo zyrtare thonë se shënjestra e atentatit mund të ketë qenë një nga eksponentët e krimit në Fier. Ndërkohë janë sekuestruar në cilësinë e provës materiale 4 gëzhoja arme zjarri tip pistoletë.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
