DETAJE/Konflikti me armë në Cërrik mes dy grupeve, policia kap autorin e plagosjeve

Dy grupe të rinjsh u përfshinë në një konflikt i cili përfundoi në nxjerrje armësh dhe në plagosje.

Policia njofton se ka vënë në pranga autorin e dyshuar dhe bashkëpunëtorin e tij të cilët plagosën dy persona mbrëmjen e djeshmë në Cërrik.

Në pranga u vunë shtetasit B.H 32 vjeç i dyshuar si autori kryesor, si dhe shtetasi I.F 28 vjeç i dyshuar si bashkëpuntor.

“B.H, mbrëmjen e djeshme dyshohet se pas një konflikti fizik për motive të dobëta ka plagosur me pistoletë G.K dhe J.R”, sqaron policia në njoftimin zyrtar mëngjesin e sotëm.

Operacioni për kapjen e tyre ka vijuar gjithë natën duke u angazhuar 30 forca policie të Cerrikut dhe të Forcës së Posacme Shqiponjat nga DVP Elbasan. Ndërkohë vijon puna për gjetjen e armës së krimit.

Çfarë ndodhi mbrëmjen e djeshme 

Një sherr mes dy grupeve të rinjsh në Cërrik ka përfunduar me përdorimin e armëve dhe për pasojë plagosjen e dy personave.

Ngjarja ka ndodhur rreth orës 18:00, në vendin e quajtur  “Kryqëzimi i Yllit” në Cerrik,  ku është plagosur me armë zjarri në këmbë  shtetasi G.K., 20 vjeç, banues në fshatin Malasen Cerrik,  si dhe është plagosur lehtë në dorë shtetasi J.R., 22 vjeç, banues në Cerrik.

Të dy ndodhen në spitalin kirurgjik Elbasan, jashtë rrezikut për jetën.

Nga veprimet e shpejta të policisë dhe grupit hetimor  dyshohet se shtetasi B.H  së bashku me shtetasin I.F, po udhëtonin me një automjet tip Golf që drejtohej nga shtetasi A. Zh.

Shtetasi B.H, ka parë shtetasin G.K me të cilin kishte një konflikt të mëparshëm për motive të dobëta, ka zbritur nga automjeti dhe  është konfliktuar fizikisht me të.

Në konflikt është përfshirë edhe shtetasi J.R, shoku i shtetasit G.K, si dhe dy shokët e shtetasit B.H, shtetasit A.Zh dhe I.F.

Në konflikt e sipër dyshohet se shtetasi B.H , ka qëlluar me armë zjarri pistoletë  në drejtim të shtetasit G.K, i cili është plagosur  në këmbë, si dhe është plagosur në dorë shoku i tij shtetasi J.R.

/DRONI.al/