Festat e fundvitit, ja rrugët e Tiranës ku ndalohet qarkullimi i mjeteve të tonazhit të rëndë deri më 1 janar

Për shkak të fluksit të shtuar dhe ngarkesës që krijohet në trafik me rastin e festave të fundvitit, kryetari i Bashkisë së Tiranës, Erion Veliaj, ka firmosur urdhrin që ndalon përkohësisht qarkullimin e mjeteve të tonazhit të rëndë brenda unazës së mesme dhe në disa segmente të tjera rrugore. Ndalimi i qarkullimit të automjeteve të rënda do të bëhet nga data 22 dhjetor 2017 deri më 1 janar 2017, duke nisur nga ora 07.00-22.00.

Gjithashtu, për shkak të organizimit të aktiviteteve të ndryshme festive në këto ditë festash dhe rritjes së numrit të vizitorëve edhe nga qytete të tjera të vendit, Bashkia e Tiranës ka pezulluar të gjitha lejet për qarkullimin e automjeteve në kryeqytet, sipas urdhrit, deri në dt. 1 Janar. Në zbatim të urdhrit të kryetarit të Bashkisë së Tiranës, qarkullimi i mjeteve të tonazhit të rëndë do të ndalohet në këto segmente rrugore:

Rr. “Dritan Hoxha”;

Rr. “5 Maji”;

Rr. “Petro Nini Luarasi”;

Rr. “Sulejman Delvina”;

Rr. “Dëshmorët e 4 shkurtit”;

Rr. “Elbasanit”;

Rr. “Hoxha Tahsim”;

Rr. “Rruga e Dibrës”;

Rr. “Kristo Luarasi” (diga e liqenit);

Rr. “Don Bosko”.

/DRONI.al/

Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/

loading...
Loading...

Leni një përgjigje