TABELA/ Sa para duhet të kurseni çdo ditë për t’u bërë milionerë

Nëse dëshironi të bëheni të pasur filloni të investoni dhe nisni ta bëni një gjë të tillë sa më parë të mundeni.

“Të bëhesh i pasur është një çështje përkushtimi dhe të qëndruarit sistematik në kursime dhe në një plan investimesh”, shkruan në librin e tij “Çiftet e zgjuara përfundojnë të pasur”, këshilluesi financiar David Bach.

“Nuk ka nevojë të kesh para për të bërë para”, shkruan ai.
“Duhet vetëm që të marrësh vendimet e duhura dhe të veprosh në bazë të tyre.”

Për të ilustruar thjeshtësinë e të bërit para me kalimin e kohës, Bach krijoi një grafik, duke detajuar sa para duhet të vini mënjanë çdo ditë, muaj apo vit, në mënyrë që kur të keni mbushur 65 vjeç të keni kursyer 1 milion dollarë.

Grafiku merr parasysh që e keni nisur me zero para investim.

Teksa shifrat në këtë grafik mund të mos jenë ekzakte, në vetvete ilustron se me përkushtimin e duhur për të kursyer, qoftë edhe pak dollarë në ditë, ose lekë në rastin e Shqipërisë, diferenca mund të jetë e madhe.

Kështu që, herën tjetër që po mendoni të pini një kafe të dytë, apo të uleni në një lokal që e ka atë mbi 200 lekë, mendoni për këtë grafik dhe ato para vendosini mënjanë tek kursimet.

*
Në grafik tregohet mosha përkatëse duke nisur nga 20 vjeç, ku paratë që duhet të hiqni mënjanë janë 2 dollarë (rreth 250 lekë) çdo ditë dhe në fund të muajit do të keni kursyer plot 61 dollarë (rreth 7 500 lekë). Ndërsa në vit shifra shkon në 730 dollarë (90 000 mijë lekë).

Paratë që duhet të hiqni mënjanë, sipas grafikut shtohen në bazë të moshes.

/DRONI.al/