Në “Dritare me Rudinën”, akademiku Rexhep Qosja nuk la fjalë të mirë pa thënë për Edi Ramën që sipas tij “ka nisur ta reformojë Shqipërinë, që e gjeti në një stad mes autarkisë dhe anarkisë”, ai sërish ka pasur një vërejtje. Sipas Qoses kryeministri i përkrahur prej tij del gjithë ditën në TV.
“Do të doja ta shihja më pak në televizion. Televizioni për një farë kohë i afirmon njerëzit, por televizioni edhe mund t’i dëmtojë, mund t’i shkatërrojë njerëzit në qoftë se e teprojnë.
Pra do masë dhe masa është formuluar në Greqinë antike prej Platonit e Aristotelit, masa është përbërës i veprës shkencore, i veprës artistike, i etikës, i sjelljes së njerëzve, i organizimit të tyre politik, shtetëror.
Do të doja që Edi Rama ta ketë këtë masë në paraqitjet e tij publike dhe të mos paraqitet në vendet e të gjithë ministrave të tij” ka thënë Qosja duke e parë maninë e protagonizmit të Ramës si difektin kryesor të tij.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
