Një shqiptar 33-vjeçar është arrestuar në Itali, pasi në gjendje të dehur ka dhunuar të dashurën e tij, bluzat e bardha në spital si dhe karabinierët.
Mbrëmjen e së shtunës, shqiptari ka sulmuar mjekun e turnit dhe infermieren në dhomën e urgjencës në spitalin Budrio të Italisë. Me mbërritjen e policisë, në vend që të qetësohej, 33-vjeçari emri i të cilit nuk bëhet i ditur nga mediat italiane, ka reaguar edhe më keq duke sulmuar edhe uniformat blu.
Sipas raportimeve nga mediat e vendit fqinj, ka dhunuar të fejuarën e tij gjatë një sherri në banesë, dhe më tej e ka sjellë atë në urgjencë. Ndërkohë ai ka nisur të godasë personelin shëndetësor, për shkak të gjendjes së tij të dehur.
Për fat të mirë – shkruajnë mediat- mjekët dhe polici që u godit nga shqiptari nuk patën pasoja të rënda. Fatkeqësisht, pasojat e dhunës së shqiptarit i ka përjetuar e fejuara e tij, një 23-vjeçare italiane, e cila ka marrë lëndime në qafë dhe në dorë. /Gazeta Express/
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
