Gjatë orëvë të para të mëngjesit të sotëm është bërë e mundur kapja e katër personave të maskuar dhe të armatosur që po tentonin të grabisinin kasafortën e një biznesi të madh në Tiranë.
Sipas të dhënave nga polica për tvklan.al grabitësit janë kapur në zonën e Saukut. Në automjetin me të cilin udhëtonin janë gjetur armë, kapuça, doreza dhe sende të cilat dyshohet përdoreshin për hapjen e braveve të dyerve të bizneseve dhe kasafortave.
Operacioni është zhvilluar nga forcat e komisariat nr 1.
Ndërkohë po bashkëpunohet dhe me komisariatet e tjera të kryeqytetit për të zbuluar nëse ky grup ka lidhje me grabitje të tjera kasafortash të ndodhura gjatë tre muajve të fundit në Tiranë.
Identitetet e të arrestuarve momentalisht nuk bëhen të ditura.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
