Tre mësues kanë humbur betejën me koronavirusin në 24 orët e fundit, dy nga të cilët ishin banues të Qarkut Elbasanit dhe një nga qyteti i Fierit.
Fatmir Sula mësuesi 62 vjeçar nga Peqini i cili jepte mësim në shkollën “Bishqem” humbi jetën pasi kishte më shumë se 10 ditë që trajtohej në spitalin COVID-2.
Lajmin e ndarjes nga jeta të Sulës e publikoi në “Facebook” edhe shkolla ku ai kontribuoi disa vite duke i kushtuar disa fjalë të ndjera “Drita e shpirtit te tij u largua fizikisht, po kurrë nuk do të largohet nga brezat e nxënësve që ka lënë pas.”
Mesditën e sotme ndërroi jetën dhe një mësuese 62 vjeçare nga Elbasani e shtruar prej 2 javësh në spitalin “Shefqet Ndroqi”.
Të dy mësuesit e qarkut të Elbasanit vuanin edhe nga sëmundje të tjera.
Mësuesi Gramoz Abedinaj nga Fieri ishte një mësues tjetër që humbi jetën prek koronavirusit. Vdekjen e 60 vjeçarit e lajmëroi në “Facebook” Ministria e Arsimit, Evis Kushi ku mes të tjerash vlerësoi kontributin e tij në mësimdhënie.
Që prej fillimit të pandemisë betejën me Covid e kanë humbur dhe mësues të tjerë.
Një prej tyre ishte dhe Nardi Xhemollari, 47 vjeçari nga Pogradeci, I cili ndërroi jetën dy ditë përpara se të niste viti shkollor në 14 shtator. Mësuesi i matematikës i cili nuk vuante nga asnjë sëmundje, qëndroi rreth 3 javë në spitalin Covid 2, por nuk ia doli dot të mbijetonte.
Më 27 korrik një tjetër mësues që humbi jetën ishte 39 vjeçari Gazjon Rusi, mësues në Medresenë e Shkodrës i cili vuante dhe nga astma.
e.h/DRONI.al/
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
