Nuk kanë fund dhimbjet e kokës për Nicklas Bendtner. Pas eksperiencave aspak pozitive në skuadra si Arsenali dhe Juventus, sulmuesi danez duket se po rikthehet ai i dikurshmi te skuadra e Rosenborgut në Norvegji.
Megjithatë, edhe pse po kalon një situatë të mirë sa i përket prodhueshmërisë dhe golave, Bendtner ka treguar anën e tij të errët. Sipas mediave lokale daneze, sulmuesi 30 vjeçar është vënë nën akuzë pasi dyshohet se ka sulmuar një shofer taksie, duke e dëmtuar këtë të fundit në pjesën e nofullës.
Incidenti ndodhi në orën 2.41 të dielën në mëngjes në Kopenhagën, ndërsa konfirmimi vjen nga kompania e taksive që për “Bt.dk” kanë deklaruar se shoferi ka pësuar një dëmtim të rëndë dhe aktualisht po kalon një operacion për një nofulla të thyer.
“Ajo është raportuar në polici dhe ne mund të konfirmojmë se sulmuesi është Nicklas Bendtner.”
Ndërkohë ende nuk kemi një reagim nga Bendtner i cili rrëzikon një gjobë të majme dhe përjashtim nga skuadra e Rosenborgut.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
