Stresi tregon nënën e tij, bashkë me Shpresën te Rudina në klan

0Shares
0

Arkimend Lushaj i njohur me emrin e artit si Stresi, etiketohet shpesh si “bad boy”. Por sot në studion “Rudina” reperi ka rrëfyer një tjetër dimension. I shoqëruar nga nëna e tij Shpresa Lushaj, 31-vjeçari foli për familjen dhe planet për martesë.

Stresi tha se prej më shumë se 3 vitesh është në një marrëdhënie me një vajzë të quajtur Kejsi me të cilën tha se po planifikon të martohet.

Gjatë emisionit reperi u surprizua nga e dashura e tij përmes një videomesazhi.

“Planifikojmë të martohemi, por jo këtë vit, ndoshta vitin tjetër. Ne kemi shumë kohë bashkë, jemi takuar gjithnjë në Europë për të mos qenë në qendër të vëmendjes. Mamaja e Kejsit ma la që ta ruaja dhe unë e ruajta për vete. Kejsi ka mbaruar shkollën në Kanada dhe aktualisht bashkëjetojmë në Tiranë”, tha Stresi.

Ndërkohë nëna e reperit e emocionuar nga videomesazhi i Kejsit tha: “Kejsi është vajzë me shumë vlera dhe meriton shumë gjëra edhe dashurinë e Stresit. Takimi i parë me Kejsin ka qenë vjet për vitin e ri dhe më ngjiti menjëherë. – Kejsi më tha: E di që Stresi është shumë i lidhur me ty dhe kur ne të ikim në Kanada ti do kesh dhomën tënde që mund të vish kur të duash”.

Arratisja e reperit Arkimend Lushaj nga komisariati disa muaj më parë bëri bujë në rrjetet sociale.

Ai sqaroi edhe një herë ngjarjen. Reperi tha se ishte i pafajshëm dhe se nuk kishte konsumuar alkool, por pranoi se është nxituar që është larguar nga komisariati.

“Unë isha në Club me Fjolla Morinin, kishim koncert. Isha me patentë dhe kisha pirë një gotë. Ikja nga komisariati ishte një revoltë e imja. Unë u nxitova. Fotoja me hashash është bërë në Lazarat ku kishte turistë nga e gjithë bota”.

Ndërkohë nëna e tij Shpresa po ashtu tha se lajmin për arratisjen e Stresit e ka përjetuar shumë keq.

“Unë i kam përjetur shumë keq lajmet për largimin e Stresit nga Policia. Momenti për mua ishte i frikshëm sepse ky u hodh nga kati 3-të dhe uroja që të ishte mirë. Në atë kohë Stresi jetonte në Zvicër dhe erdhi për një koncert dhe të nesërmen do ikte me avionin e parë. Ngrihem në mëngjes, ndez televizorin dhe lexoj lajmet që Stresi ishte arratis nga komisariati, u ndjeva shumë keq”, tha Shpresa Lushaj./tvklan.al

/DRONI.al/

Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/

loading...
Loading...

Leni një përgjigje