Mos respektimi i sinjalistikës rrugore dhe lëvizjet abuzive të këmbësorëve nëpër kryqëzime duke mos respektuar semaforin po kthehen gjithmonë e më shumë në një rrezik të shtuar dhe potencial për viktima dhe të plagosur rëndë si pasojë e përplasjes nga makinat apo motoçikletat.
Në këtë video janë pamjet e një aksidenti tragjik të ndodhur në mes të kryeqytetit tek zona e “9 katsheve” ku kalimi me semafor të kuq për këmbësorët i ka kushtuar jetën një 71-vjeçari.
Ka qene ora 09 e 02 minuta shumë qytetarë po prisnin në semafor për t’u hapur jeshilja 71-vjeçari L. Ç., ka guxuar shumë me dorën e majtë në xhep dhe me tjetrën mbante disa letra me vrap ai ka hyrë mes përmes rrugës për të kaluar në anën tjetër. Por pa mbërritur në fund të rrugës është goditur nga një makinë tip Toyota “Yaris” që drejtohej nga një 38-vjeçar.
71 vjeçari ka humbur jetën pak minuta më vonë. Policia shprehet se pas ekspertizës se faji i aksidentit ishte tërësisht i 71-vjeçarit i cili nuk ka respektuar sinjalsitikën e semaforit që e ndalonte në atë moment të kalonte rrugën.
Vazhdimisht policia ka shprehur shqetësimin se këmbësorët me mos respektimin e rregullave të qarkullimit rrugor veçanërisht në zonat urbane por duke mos lënë jashtë vëmendjes dhe ato interurbane janë një burim potenical aksidentesh. SosNews
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
