VIDEO/ Flet kampioni i Europës në atletikë që “çmendi” Beogradin: Me ken shkodran t’tana i ban

Atleti shkodran Izmir Smajlaj që u shpall mbrëmë kampion Europe në kërcim për së gjati, njëherësh kampioni i parë europian në historinë e atletikës ahqiptare ka folur menjëherë pas marrjes së çmimit për Supersport.
Emocionet e tij janë të mëdha, por kur flet për synimet që ka i riu nga Shkodra tregohet i kthjellët.
“Ishte një garë shumë e vështirë, por në fund ia arrita. Nuk mund ta quaj surprizë, pasi qëllimi im ishte të dilja kampion. Ju falënderoj të gjithëve për mbështetjen. Unë kam bërë shumë stërvitje, kam pasur qëllimet dhe objektivat e mia. Gjithsesi dua t’iu them që kam objektivë të tjerë që në kampionatin botëror do të kem medalje të tjera. Shpresoj ta realizoj në Londër, pasi i kemi të gjitha mundësitë në kampionatin botëror”.
E ndërsa flet për vështirësitë në stërvitje, Smajlaj thotë se në radhë të parë këtë sakrificë e ka bërë për Shkodrën dhe gjithë shqiptarët kudo që ndodhen.
“Ju i dini se si janë kushtet në Shqipëri, megjithatë kushdo të bëjë stërvitje bën. Me ken shkodran t’tana i ban”, kjo tashmë duhet vërtetuar dhe në botë”, përfundoi ai.
Smajlaj festoi mbrëmë alla shqiptarçe në Beograd, kur bëri shqiponjën me duar, ndërsa bëri që tingujt e himnit kombëtar të dëgjohen në mes të Beogradit. Vepriemt e tij u komentuan gjatë nga mediat serbe, të cilat e quajtën provokim festën e ligjshme të një kampioni.
Nga ana tjetër, “Provokim!” ka nisur shkrimin e përditshmja serbe “Kurir”, sipas të cilës edhe pse publiku maqedonas duartrokiti suksesin e Izmir Smajlajt, atleti iu përgjigj me “Shqiponjën”.
“Një tjetër skandal ndodhi sot në kampionatin europian në Beograd me përfaqësuesin shqiptar në kërcimin së gjati Izmir Smajilaj. Ndonëse u përshëndet me duartrokitjet e publikut të Beogradit, ai u përgjigj me duart që simbolizojnë ‘shqiponjë dykrenore’ në flamurin e Shqipërisë. Ky veprim i Izmir Smajilaj provokoi audiencën. Përgjatë konkurrimit, ai ka marrë mbështetje nga publiku” shkruan e përditshmja serbe “Kurir”.
Smajlaj fitoi medaljen e artë në kërcim së gati pas rezultatit rekord kombëtar 8.08 metra, dhe tashmë Kampionati Botëror zhvillohet në Londër në gusht. 

  

/DRONI.al/