Të paktën 50 persona kanë gjetur vdekjen pasi një autobus me të cilin udhëtonin nga kryeqyteti kenian Nairobi për në Kisumu, në perëndim, doli jashtë rruge, thonë policia.
Shumica e viktimave vdiqën pasi automjeti u përmbys. Policia frikësohet se numri i të vdekurve mund të rritet për shkak se mund të ketë udhëtarë të bllokuar nën rrënoja.
Një zyrtar lokal tha se kulmi i autobusit u shqye.
Policia tha se shoferi ka humbur kontrollin e mjetit.
“Është për të ardhur keq që kemi humbur 51 njerëz” tha shefi i policisë së Kenias, Joseph Boinnet.
Autobusi kishte 52 udhëtarë në kohën e aksidentit në orët e hershme të mëngjesit të së mërkurës, tha policia.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
