Për herë të parë shqiptarët do të identifikohen në qendrat e votimit përmes teknologjisë dixhitale duke siguruar një votim të drejtë dhe shmangur shkeljet përgjatë procesit të identifikimit të votuesve.
Përmes aplikimit të identifikimi elektronik, priten të eliminohen krejtësisht shkeljet që mund të hasen në qendrat e votimit. Identifikimi elektronik shmang votimet e dyfishta, votimet familjare si dhe votimet për personat e tjerë, disa prej shkeljeve më të zakonshme dhe dhe që është hasur më shpesh në të gjitha zgjedhjet në vendin tonë.
Qytetarët në ditën e votimit do të paraqitet në qendrën e tij të votimit me letërnjoftim ose pasaportë biometrike, për tu identifikuar përmes pajisjes PEI, ku përvec dokumentit të identifikimit do të lërë edhe gjurmët daktiloskopike (shenjat e gishtërinjve), të cilat do të shërbejnë për evidentuar rastet e votimit të paligjshëm.
KQZ ka përzgjedhur kompaninë “Smartmatic” për aplikimin e kësaj teknologjie në zgjedhjet shqiptare. Pajisja e kompanisë lider “Smartmatic”, ka marrë pjesë në zgjedhjet e 5 kontinenteve, duke regjistruar 5 bilionë votues, me eficencë të plotë, pa paraqitur asnjë gabim. Në Shqipëri, zbatohet si një risi teknologjike, e cila i bashkohet punës së komisionerëve në çdo qendër votimi dhe ofron një ndihmë esenciale në procesin e votimit, duke i bërë këto zgjedhje të lira dhe të ndershme.
Më datë 25 prill 2021, qytetarët shqiptarë do të mund të zgjedhin, votojnë dhe vendosin për zgjedhjet parlamentare, përmes sigurisë së plotë të identikimit elektronik.
E drejta e votës është një e drejtë themelore, e cila duhet të ushtrohet me vullnet të lirë, në mënyrë të barabartë dhe transparente.
Kryetari i KQZ Ilirjan Celibashi e ka theksuar identifikimin elektronik si një nga hapat që con Shqipërinë drejt standarteve më të mira zgjedhore. Përmes një postimi në rrjetet sociale ai theksoi se rezultati zgjedhor duhet të ndodhë përmes një procesi të besueshmë të drejtë duke I mëshuar faktit se këto zgjedhje janë të lidhura direct me përparaimine vendit drejt anëtarësimit në Bashkimin Evropian..
“Një rezultat zgjedhor që nuk vjen si rrjedhojë e një procesi të tillë, nuk mund të ketë legjitimitet. Jemi të gjithë të vëzhguar për atë çfarë bëjmë dhe si e realizojmë në raport me procesin zgjedhor. Standardi i këtyre zgjedhjeve është direkt i lidhur me procesin e integrimit evropian të vendit”, tha Celibashi.
Edhe organizatat ndërkombëtare si OSBE, apo minisone diplomatike perëndimore në Shqipëri që monitorojnë standartet e demokracisë në vendin tonë kanë vlerësuar përdorimin e identifikimit elektronik si një garanci më shumë për zgjedhje të drejta dhe të lira. a.b
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
