Reagimi prekës i kompanisë angleze për Klementin nga Thumana: Djalë me zemrën flori, mbledhim donacione për familjen e tij

Ndaje

Klement Çupi është një prej viktimave të tërmetit të 26 nëntorit, i cili ishte kthyer nga Anglia ku punonte dhe jetonte, për të kaluar disa ditë me familjen e tij në Thumanë.

Ai i preku të gjithë, pasi ekipet e shpetimit arriten ta zbulonin me vetëdije në rrënoja, por ai u kishte kërkuar te mos ta nxirrnin pasi nuk i ndjente këmbët. Pak para se të ndërronte jetë, ai kishte kërkuar një cigare dhe gjithë kohës qendronte i buzeqeshur derisa vdiq.

Për humbjen e tij ka reaguar edhe kompania angleze 001 Taxis ku punonte, e cila shkruan se ai ishte një djalë flori dhe i qeshur.

“Me hidhërim të madh duhet të njoftojmë se humbën një prej shoferëve tanë të mrekullueshëm, Klement Çupin, në tërmetin tragjik në Shqipëri. Klem ishte gjithnjë duke qeshur, gjithnjë duke bërë shaka dhe e kishte zemrën flori. Atë e donin të gjithë ata që patën fatin ta njihnin. Është një humbje e madhe për të gjithë stafin e 001, shoferët, përfshirë edhe klientët. Klementi shkoi në shtëpi në fundjavë që të kalonte kohë me familjen përpara sezonit festiv. Tragjedia i goditi teksa po flinin gjumë. Fatkeqësisht, edhe prindërit e Klementit u shuan gjithashtu. Tanimë ne po mbledhim donacione për të mbështetur pjesëtarët e tjerë të familjes, që humbën 3 prej tyre. Më poshtë keni një link ku mund të dhuroni për këtë kauzë që buron nga zemra. Duam gjithashtu të falenderojmë të gjithë shoferët dhe stafin që kanë dhuruar tashmë. Bujaria juaj ka qenë prekëse dhe familja ju është shumë mirënjohëse. Dhuroni: https://bit.ly/2OJBqUV“, shkruan kompania në rrjetet sociale./Gazeta Liberale

loading...
Loading...

Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/

Leni një përgjigje