Heronjtë komunistë në Bulevard, por cfarë thoshte Enveri për ta, ‘hiqen sikur kanë zënë armiqtë me dhëmbë’

Ndaje
|hardcopy|2007/07/05 09:48:16 Shefqet cakiqi Console / ACER-59DE6FF88D

Nga Kastriot Dervishi

Sikur këto fjalë t’i kisha thënë unë, me siguri makina e propagandës komuniste do nxirrte menjëherë “akuzën” e “neofashistit”. Këtë e thotë udhëheqësi i tyre. Vini re diskutimin banal të Byrosë Politike mbi caktimin se kush duhet të jetë hero. Vetëm para pak ditësh zëvendëskryeministri tha se heronjtë nuk i kanë caktuar këta, por lufta. Në të vërtetë, “heronjtë” i caktoi paslufta, komunizmi. Me një qëllim të vetëm, propagandën monumentale. Se mos vetëm atëherë. Njëlloj edhe sot.

Pjesë nga diskutimi i datës 17.11.1967

 Enver Hoxha: Po për Mustafa Kaçaçin?

Rita Marko: Në veprimtarinë e tij nuk ka ndonjë gjë për të dalluar.

Enver Hoxha: Këtij mundet edhe mos t’ia japim.

Mehmet Shehu: Si njeri, i mirë ka qenë, por nuk ka qenë trim.

Hysni Kapo: Kur kaluam gjatë luftës nacionalçlirimtare në veri, unë isha në brigadën e 4 sulmuese dhe atëherë, në biseda ai thoshte se nuk ishte ndonjë trim.

Enver Hoxha: Ashtu është, këtë e thoshte edhe vetë, atëherë përse ta bëjmë hero?

-Të gjithë shokët ishin dakord që Mustafa Kaçaçit të mos i jepej titulli “Hero i Popullit”

Për Manush Alimanin jeni dakord?

-Të gjithë u shfaqën dakord. Për Tom Kolën, jeni dakord?

Abdyl Këllezi: Unë këtë e kam njohur në internim, ka qenë djalë shumë i mirë dhe në aktin e Shkodrës ka treguar një qëndrim heroik.

Enver Hoxha: Po t’i lexosh shkrimet që botohen sot për dëshmorët e luftës, të gjithë na i nxjerrin sikur kanë zënë armiqtë me dhëmbë dhe duken sikur të tërë duhet të bëhen heronj. Ata kanë vërtet meritat e tyre, por në shkrime për disa janë ekzagjeruar gjërat. Partia na mëson të bazohemi kurdoherë në realitetin.

-Për Tom Kolën të gjithë u shfaqën dakord.

Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/

loading...
Loading...

Leni një përgjigje