Në Kosovë, ka shkaktuar jehonë të gjerë një lajm i publikuar ku një vajzë e mitur ishte abuzuar seksualisht fillimisht nga mësuesi i saj dhe më pas nga polici ku ajo kishte kërkuar ndihmë.
Në protestën e zhvilluar sot në Prishtinë kundër abuzimit të vajzave dhe grave mori pjesë dhe këngëtarja Dafina Zeqiri. Me anë të postimeve në rrjete sociale, ajo ftoi të gjithë ndjekësit e saj që të bashkohen nesër në protestën e Drenasit.
“Të bashkohemi të gjithë në protestën që mbahet nesër në Drenas në orën 12:00. T’a ngrisim zërin kundër dukurive të tilla në vendin tonë”, shkruajti Duffye.
Nuk është ajo e vetmja artiste që ka bërë thirrje për protestë. Edhe Eliza Dushku i ka kërkuar ndjekësve që të bëhen bashkë për të protestuar kundër abuzimit.
Ndërkohë Nora Istrefi reagoi me anë të një postimi ku kërkonte dënimin me burg të përjetshëm të pedofilëve.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
