Komuniteti Rom objekt sulmi, 1 i vdekur dhe 4 të plagosur rëndë

Ndaje

Një person është vrarë në një sulm në një kamp të Romëve në Ukrainën Perëndimore. Ngjarja ka ndodhur mbrëmjen e së shtunës (23 qershor).

Sipas policisë, një grup i maskuar i armatosur me shkopinj dhe armë të tjera sulmuan kampin në periferi të qytetit të Lvivit pak para mesnatës.

Një 24-vjeçar vdiq nga plagët e thikës, ndërsa katër të tjerë, duke përfshirë një djalë 10-vjeçar, u plagosën.

Kjo është e fundit në një seri sulmesh ndaj komunitetit rom në Ukrainë, të cilët janë të njohur edhe si ciganë.

Sipas BBC, shtatë persona të dyshuar rreth moshës 16 dhe 17 vjeç janë arrestuar, si dhe një 20-vjeçar i akuzuar për planifikimin e sulmit.

Forca policore kombëtare e Ukrainës dhe Ministria e Punëve të Brendshme kanë nisur një hetim penal mbi “vrasjen e qëllimshme”, për të cilën jepet një dënim deri në 15 vjet burg.

Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/

loading...
Loading...

Leni një përgjigje