Një grua në Fier i ka tentuar t’i japë fund jetës në një nga mënyrat më tragjike të mundshme, duke u hedhur nga kati i tretë i banesës ku jetonte.
Ngjarja dramatike ka ndodhur mesditën e sotme, ku rreth orës 12:20, në lagjen “Bishanakë”, është hedhur nga pallati 57 vjeçarja R. Gj.
Menjëherë pas kësaj gruaja është dërguar me urgjencë në spitalin rajonal të qytetit ku po merr ndihmën e nevojshme mjekësore, ndërsa raportohet se ndodhet në gjendje të rëndë për jetën.
Nga të dhënat paraprake dyshohet se ngjarja është kryer në gjendje të rënduar depresive.
Policia dhe grupi hetimor të cilët ndodhen në vendin e ngjarjes kanë nisur punën për zbardhjen e plotë të shkaqeve që e shtynë gruan të ndërmarrë një kat kaq të rëndë për jetën.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
