Specialistët e Sektorit për Krimet e Rënda, në Drejtorinë Vendore të Policisë Elbasan, bënë arrestimin në flagrancë të Albi Bashaliu, 28 vjeç, banues në fshatin Gjocaj.
Arrestimi i tij u bë pasi, në fshatin Gjocaj , gjatë një konflikti për motive të dobëta dyshohet të ketë qëlluar me armë zjarri automatik në drejtim të V. SH., 57 vjeç, banues në fshatin Gjocaj dhe A. B., 38 vjeç, banues në Peqin.
Si pasojë e të shtënave, nuk ka pasur të dëmtuar.
Policia nuk ka mundur të gjejë e bllokojë armën e krimit, ndërsa bën të ditur se ka sekuestruar në vendngjarje në cilësinë e provës materiale: 18 gëzhoja armë zjarri model 56 të kalibrit 7.62 mm; 1 fishek i pa plasur model 56 të kalibrit 7.62 mm; Automjetin tip Volkswagen me targa AA 226 ES në pronësi të shtetasit A. B., 38 vjeç, banues në Peqin.
Policia vazhdon punën për gjetjen e armës së zjarrit dhe sqarimin e plotë të rrethanave të ngjarjes.
Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Vrasja me dashje mbetur në tentativë” “Prodhimi dhe mbajtja pa leje e armëve luftarake dhe e municionit” dhe “Shkatërrimi i pronës” parashikuar nga nenet 76, 278, 150 dhe 22 të Kodit Penal.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/