Partia LSDM e udhëhequr nga Zoran Zaev, ka shpallur fitoren e saj në zgjedhjet e parakohshme parlamentare në Maqedoni që u zhvilluan ditën e sotme.
Zëdhënësi i LSDM, Petre Shilegov, ka thënë se opozita maqedonase ka fituar në të gjitha qytetet e mëdha, duke i shkaktuar humbje VMRO-DPMNE-së së Nikolla Gruevskit.
LSDM u ka bërë thirrje qytetarëve të dalin të festojnë në sheshin e Shkupit.
Por sipas rezultateve, VMRO-ja e Nikola Gruevskit udhëheq afërsisht me 41%, e ndjekur nga LSDM-ja e Zoran Zaveit me 35.58%.
Në vendin e tretë është Lëvizja Besa me 7.58% e ndjekur nga BDI-ja e Ali Ahmetit me 7.11% dhe Aleanca për Shqiptarët e Zijadin Selës me 5.71%.
PDSH-ja e Menduh Thaçi ka mbetur mbrapa, duke fituar aktualisht vetëm 3.6%.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
