Shefi i shërbimit të zbulimit egjiptian, Salah Abdel Sadek, beson se për rritjen e dhunës dhe ekstremizmit të përhapur në botën arabe, fajtorë janë filmat e vizatimore, video-lojërat dhe filmat përplot me dhunë.
Gjatë një fjalimi të mbajtur në konferencën “Mediat dhe kultura e dhunës” në Universitetin e Kajros, Sadek ka deklaruar se filmi i vizatimor “Tomy and Jerry” i ka ngulitur shikuesve në mendje idenë se dhuna është e natyrshme.
“Tomy and Jerry” shfaqin dhunën në mënyrë qesharake dhe dërgojnë këso mesazhe, “Po, unë mund ta godas, unë mundem ta hedh në erë me eksploziv. Këto ide me kalimin e kohës nguliten në kokë dhe dhuna konsiderohet diçka e natyrshme”, ka shtuar Sadek.
Ai gjithashtu beson, se rol kyç në përhapjen e dhunës luajnë edhe video-lojërat dhe filmat që nxisin dhunë mes të rinjve. Telegrafi
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
