Kreu i Komisionit për Sigurinë Kombëtare, Spartak Braho, vizitoi dje në dhomat e paraburgimit Ismail Morinën. Sipas Brahos, tifozi kuqezi që ngriti dronin në stadiumin e Beogradit nuk përbën rrezik publik, edhe pse është ndaluar për armëmbajtje pa leje, pasi mbajtja e armës nga ana e tij, ka ardhur nga një gjendje e rëndë psikologjike e krijuar pas kërcënimeve që mori pas ngritjes së dronit.
Ky takim i Brahos me Ballist Morinën është komentuar nga gazetari Artan Hoxha, i cili ka ngritur dyshime se kreu i komisionit të Sigurisë mund të ketë takuar Mark Frrokun në korridoret e burgut 302.
Në një postim në faqen e tij në “Facebook” Artan Hoxha shkruan…
“Takimi brenda qelive te burgut është krejt i rastësishëm, po fare fare i rastësishëm (rrugës për në qelinë e Ballistit, duke ecur në korridorin e burgut 302, kryetari i komisionit parlamentar për sigurinë kombëtare mund të këtë takuar ‘rastësisht’, po ‘krejt rastësisht’ dhe Mark Frrokun që ndodhet në të njëjtin vend)…dhe nëse Ballisti lirohet “fare rastësisht” këto dite (çfarë fati do ishte ky), do të jetë ‘krejt një koecidencë’ kalimi i tij me LSI-në, partia e madhe e gjithë shqiptarëve…
Si nuk shkon ndonjë deputet apo politikan i rëndësishëm të takojë fare rastësisht nja 1000 shqiptarë, pleq, plaka, të rinj e të reja, që dergjen burgjeve të Shqipërisë, të arrestuar për kultivimin e 10 rrënjëve kanabis, apo se janë kapur me 5 gram hashash në xhep???!!!!”
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
