Pas kryebashkiakut të Durrësit, edhe drejtuesi aktual i bashkisë së Kavajës Elvis Rroshi është denoncuar në Komisionin Qendror të Zgjedhjeve për shtim të panatyrshëm të votuesve.
Auditët teknicien Armand Teliti dhe Ened Kërcini paraqitën dje në KQZ një raport sipas të cilit për dy javë në bashkinë e Kavajës janë shtuar 600 persona nga Tirana e Rrogozhina me firmën e kryebashkiakut Roshi.
“195 kontrata në të cilat përfshiheshin 640 persona. I kam shfletuar dhe ishin të ngjashme”, tha Auditi
Mbi bazën e këtij raporti përfaqësuesi i PD, Njazi Kosovrasti kërkoi një hetim të thelluar të çështjes dhe shkarkimin e Roshit nga kryeministri Rama
Unë mendoj se Rroshi është në shkelje të rëndë të ligjit. KQZ ti drejtohet kryeministrit që në përputhje me nenin 115 të Kushtetutës t’i kërkojë shkarkimin e Rroshit, si kryetar bashkie”, u shpreh përfaqësuesi i PD-së në KQZ, Njazi Kosovrasti.
Për një hetim të çështjes ishte edhe përfaqësuesi i PS, Genci Gjoncaj por ky i fundit tha se bëhet fjalë për një numër që në fakt është vetëm 1 për qind e votuesve
“Është një çështje shumë sensitive. Kavaja ka 60 mijë votues ndërsa kjo shifër është sa 1 për qind”, u shpreh Gjonçaj.
Pas debateve Komisioni Qendror i Zgjedhjeve vendosi që raportin shtesë të audituesit teknicin, Armand Teliti t’ia kalojë Prokurorisë së Përgjithshme për hetime të thelluara.
Për më shumë mund të lexoni edhe …
/web/Ne_Kavaje_zbulohet_parajsa_per_12_dite_shtohen_595_banore_gati_per_te_votuar_2670_1.php
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
