Sot paradite, universi do të ofrojë një nga spektaklet e tij më të bukura, eklipsin diellor. Miliona njerëz do të bëhen dëshmitarë të eklipsit diellor më të mirë që mund të jetë parë ndër vite.
Errësira do të zbresë në Europë teksa hëna do të lëvizë përgjatë gjithë sipërfaqes së Diellit, duke bllokuar dritën e tij për disa minuta. Fenomeni nis pas orës 09.00 të mëngjesit. Ai pritet të zgjasë deri në 2 orë. Më të privilegjuarit për të parë një shfaqje të tillë qiellore të plotë do të jenë islandezët dhe banorët e ishujve Faroe.
Atje parashikohet që Hëna në kalimin e saj mes Diellit dhe Tokës, do të mbulojë yllin më të madh të sistemit tonë diellor në masën 90 për qind. Dukuria do të zgjasë 2 minuta. Ndërsa në vendin tonë, ku për të premten është parashikuar një mot me diell, çka e bën më të dukshëm, eklipsi do të jetë i pjesshëm. Dielli do të mbulohet deri në masën 40 për qind. Ai do të nisë në orën 09:35, kulmi do të jetë në 10:42 për të përfunduar në 11:52. Në Britani dielli do të mbulohet në masën 83 për qind dhe 98 për qind prej orës 09:23 minuta dhe moti do të krijojë mundësinë të shikohet fenomeni.
Astrofizikanët ju kujtojnë të mos e shikoni me sy të lirë Diellin, pasi rrezikoni të dëmtoni retinën e syrit. Për ata që zotërojnë dylbi ose teleskop mund t’i shfrytëzojnë për këtë fenomen qiellor.
Në mungesë të tyre, mund të shfrytëzoni objektivet e kamerave ose të aparateve celularë apo ta projektoni diku, gjithnjë duke mos e parë me sy të lirë. Nuk është rasti të përdorni syzet e diellit. Në histori eklipsi diellor i plotë më i gjatë është i Ekuatorit, në Gushtin e 2008, ku për 7 minuta Hëna gjunjëzoi shkëlqimin e Diellit.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
