Kantautori dhe producenti më i famshëm i muzikës shqiptare, Flori Mumajesi, ka festuar 35 vjetorin. Nuk kanë munguar kurrsesi urime nga miqtë artistë, por edhe fansat e tij brenda dhe jashtë Shqipërisë. Ndërkohë që gazetarëve u ka rënë në sy një dedikim i këngëtares 18- vjeçare, Arilena Ara, e cila bashkë me një foto të Mumajesit gjatë një koncerti ekzaltues, i ka bërë urimin special me fjalët “Gëzuar ditëlindjen, Energjia ime!”. Nuk ka vonuar shumë dhe Flori i është përgjigjur me të njëjtën monedhë në Instagramin e tij. Sipër postimit të versionit anglisht të klipit “Nëntori” me titullin “I’m sorry”, Flori ka shkruar “Në ajër energjia e saj, Arilena Ara”. Këngëtarja ka vazhduar me komentin e saj, ndërsa i përgjigjet Florit: “Në tokë dhe në ajër vetëm energji”. Flori dhe Arilena janë afruar shumë këto kohë, që pas bashkëpunimit për klipin “Nallane 3”, të cilin e kanë sjellë në bashkëpunim edhe me Dj Vicky.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
