Një konflikt që dyshohet se nisi për ngacmimin e një vajze përfundoi në përplasje të armatosur mes dy grupeve në Mamurras ndërsa Gentian Diva dhe Alban Skonja, 40 dhe 39 vjeç mbetën të plagosur në këtë ngjarje të shënuar rreth mesnatës. Ata po udhëtonin në një makinë kur u qëlluan nga kushërinjtë Kastriot dhe Armando Lleshaj. Sulmit të dy kushërinjtë Lleshaj i është përgjigjur me armë nipi i Gentian Divës, 19-vjeçarin Andi Diva, i cili e shoqëronte.
Konflikti mësohet se nisi në Mamurras, ndërsa shkëmbimi i zjarrit nga dy makinat ka vijuar për rreth 1 km!
Gentian Diva dhe Alban Skonja janë sjellë në Spitalin e Traumës për trajtim mjekësor, ndërsa 19 vjeçari Andi Diva përfundoi në prangat e policisë! Ndërsa autorët e tjerë Kastriot dhe Armando Lleshaj arritën ti shpëtojnë prangave dhe tashmë janë të lirë në arrati.
40 vjeçari Gentian Diva, është i vëllai Enver Divës, i arrestuar si i implikuar në vrasjen e dy vëllezërve Besmir dhe Viktor Haxhia, në Durrës.
Detajet e policisë:
Policia e Kurbinit falë veprimeve profesionale dhe të shpejta identifikon autorët e konfliktit me armë të ndodhur në orët e para të mëngjesit të sotëm në Mamurras ku mbeten të plagosur dy shtetas.
Si rezultat i reagimit në kohë i Policisë, vihet në pranga njëri prej tyre, shpallet në kërkim autori tjetër .
Sekuestrohet një armë zjarri pushkë me 20 fishekë në banesën e shtetasit A.D.
Rreth orës 01:45, në Mamurras pas një konflikti shtetasit A.D., dhe K.Ll., kanë qëlluar me armë zjarri në drejtim të automjetit tip ” Honday” duke plagosur shtetasit :A.S., 39 vjeç, banues në Durrës, G.D , 40 vjeç, banues në Fushë- Mamurras , të cilët janë transportuar në spitalin e Traumës Tiranë dhe ndodhën nën kujdesin mjekësor.
Shërbimet e Policisë menjëherë kanë shkuar në vendngjarje dhe falë veprimeve të shpejta hetimore kanë berë identifikimin e autorëve dhe arrestimin e njërit prej tyre.
Specialistët e Hetimit të Krimit, benë arrestimin në flagrancë te shtetasit :A.D.,19 vjeç, banues në Mamurras, si dhe u bë shpallja në kërkim dhe vijojnë kontrollet për kapjen e shtetasit K.Ll., 50 vjeç, banues në Mamurras.
Gjatë kontrollit të banesës të ushtruar në banesën e autorit të arrestuar shtetasit A.D., shërbimet e Policisë gjetën dhe sekuestruan një armë zjarri pushkë, me krehër dhe 20 fishekë.
Grupi hetimor punon për sqarimin e plotë të shkakut dhe rrethanave të ngjarjes.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
