Kreu i Pentagonit, Mark Esper, deklaroi në Këshillin Atlantik në Uashington se në sajë të negociatave të zhvilluara me Poloninë, Rumaninë, Bullgarinë dhe vendet balltike Shtetet e Bashkuara mund të transferojnë Regjimentin e Dytë të blinduar të Ushtrisë nga Gjermania për të qenë më afër Rusisë.
Esper tha që këto masa janë të nevojshme për Aleancën në mënyrë që të “frenojë Rusinë”.
Ai foli gjithashtu për planet e SHBA për të rritur numrin e raketave me rreze të mesme dhe me rreze të shkurtër në Evropë dhe Azi.
Kjo lëvizje sipas tij lidhet me rritjen e numrit të raketave të tilla në Rusi dhe Kinë, si pasojë e shkeljes së Traktatit për Eliminimin e Raketave me Distancë të Mesme dhe me rreze të shkurtër.
Administrata e presidentit amerikan planifikon të tërheqë rreth 9.500 ushtarë nga bazat në Gjermani, duke përfshirë një skuadrilje të luftëtarëve F-16, e cila u kritikua edhe nga bashkëluftëtarët e Trump që e konsideruan një “dhuratë për Rusinë” dhe një kërcënim për Sigurinë kombëtare amerikane.
Momentalisht amerikanët kanë më shumë ushtarë në Gjermani se në çdo vend tjetër në botë përveç Japonisë, rreth 35.000. Baza gjermane Rammstein është gjithashtu një pikë logjistike për trupat amerikane në bazat e tjera, përfshirë Camp Bondsteel, baza kryesore e Ushtrisë së Shteteve të Bashkuara nën komandën e KFOR në Kosovë.
/DRONI.al/
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
