Historia e trishtë e Floreshës, Lefter Zhidru burri i dytë që ia vret policia

Ndaje

Floresha Zhidru, 56-vjeçarja bashkëshorte e Lefter Zhidru, i cili mbeti i vrarë nga forcat RENEA të enjten e 24 shtatorit, pas rezistencës së gjatë dhe mos bindjes për t’u dorëzuar, mbeti e ve sërish, pasi i moshuari është burri i dytë që asaj i vritet nga Policia.

Fati i trishtë duket se e ka ndjekur Floreshën nga Peqini, e cila ishte martuar me shkuesi me Lefterin, pasi bashkëshorti i parë u ekzekutua nga policia në kufi, kur tentonte të kalonte në Greqi me këmbë.

Me bashkëshortin e parë, ajo ka një djalë 24 vjeçar, të cilin nuk e pare më pas asaj dite të trishtë, pasi ai është në kujdestarinë e prindërve të ish burrit të ndjerë.

Floresha u kthye në Peqin asokohe dhe familja e martoi me Lefterin. Bashkë ata ikën në Sarandë, nga ku kishte vendin e lindjes i moshuari, e pasi lindën vajzën, që sot është 14-vjeçe, u kthyen sërish në Elbasan, e jetonin në një shtëpi me qira në katin e dytë të një pallati në lagjen “11 Nëntori”.

Sot ajo do rrisë e vetme vajzën e mitur, pas fatkeqësisë së radhës që pllakosi familjen e saj./ Panorama

Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/

loading...
Loading...

Leni një përgjigje