Policia e Shtetit ka bllokuar disa zona të ish-bllokut. Gjatë mbrëmjeve, kryesisht në fundjavë rrugët “Ibrahim Rrugova”, “Brigada VII” etj., kanë pasur postblloqe të policisë të vendosura në hyrje të tyre, duke mos lejuar kështu lëvizje të makinave.
Që prej vrasjes së 4 tetorit në bllok, masat e policisë janë shtuar, por kjo ka shkaktuar edhe vështirësi në qarkullimin e automjeteve.
Por, ky rregull i policisë vjen edhe pas urdhërit të zv/ministrit të Brendshëm, Sandër Lleshi, i cili pas marrjes së detyrës urdhëroi marrjen e masave për bllokimin e qarkullimit në zonën e ish-bllokut, ku përveçse do të ketë policë me uniformë do të jenë të pranishëm edhe agjentë civile.
Lokalet e natës gjithashtu do të kontrollohen më shpesh nga policia si dhe do të ketë rritje të prezencës me agjentë në lokalet problematike. Pjesë e urdhërit të policisë është edhe evidentimi i punonjësve ushtarake, oficerët e RENEA-s, policët e FNSH dhe rendit, të cilët qëndrojnë në lokalet e natës si badigardë.
Do të kalojnë në sitë edhe badigardët civilë që qëndrojnë jashtë lokaleve të natës.
Policisë së Tiranës i është dhënë urdhër që të ndalojë dhe bllokojë mjetet e blinduara.
Duket se me këto urdhëra të zv/ministrit të Brendshëm qytetarët, të cilët vizitojnë zonën e ish-bllokut në mbrëmje gjatë fundjavave do të duhet të mos përdorin makinat pasi shumica do të jenë të bllokuara.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
