Deputeti i Partisë Demokratike Ervin Salianji ka publikuar në emisionin “Opinion” një video të fshehtë ku është filmuar Fredi Alizoti i dosjes “Babalja”, i cili rrëfen se është përdorur nga policia.
Në videon e transmetuar sonte në “Opinion”, deputeti Salianji tha se Fredi Alizoti nuk ishte në dijeni që po filmohej, teksa rrëfente se është marrë nga policia për të deklaruar se është ai personi që bënte zërin e Agron Xhafajt duke folur në telefon me “babalen”.
“Në këtë video tregohet se si ky personazhi (Fredi Alizoti) tregon se si Ardi Veliu e ka marrë me makinë në datë 1, e ka kërcënuar, e ka shantazhuar, e ka blerë. ky thotë që ka takuar edhe politikanë”, u shpreh deputeti Salianji
Sipas dëshmisë së dhënë nga Fredi Alizoti, ka qenë vetë kreu i Policisë Ardi Veliu që e ka telefonuar dhe e ka instruktuar.
Alizoti thotë se Taulant Balla i ka ofruar 200 mijë euro dhe me të ka pirë një kafe tek prokuroria.
Vetë Fredi Alizoti në një filmim të përgjuar, të bërë publik në emisionin ‘Opinion’, pohon se nuk është vetëofruar, por blerë.
Fredi Alizoti deklaron se ‘më erdhi më mori Ardi Veliu natën me makinë MB të zezë’
Fredi Alizoti pohon se e ‘ka telefonuar personalisht Ardi Veliu’
Fredi Alizoti deklaron se ‘i ka shkuar në shtëpi Ardi Veliu’
Fredi Alizoti pohon se ‘ka qenë Ardi Veliu që e ka dërguar tek prokurori natën’
Fredi Alizoti pohon se ‘është takuar me Taulant Ballën që i ka bërë ofertë’
Fredi Alizoti pohon se ‘Taulant Balla i ka ofruar 200 mijë euro’
Fredi Alizoti pohon se me ‘Taulant Ballen u takuam ne nje kafe prane Prokurorisë’.
Fredi Alizoti pohon se ‘Taulant Balla dhe Ardi Veliu me thane hidhu nga ne’
Fredi Alizoti deklaron se e ‘vërteta është që nuk ka aktruar, por ka shoqëruar Albert Veliun se kishte merak mos e vrisnin’.
Fredi Alizoti ‘nëse më japin paratë do pranoj të them që kam aktruar’.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
