Katër vjet pas mbylljes, godina e filialit të Universitetit të Tiranës në qytetin e Kukësit është braktisur dhe po shkon drejt rrënimit të plotë. Për 7 vjet aty studiuan disa qindra të rinj nga verilindja duke i dhënë qytetit gjallëri, ndërsa nga ana tjetër ulnin shpenzimet për familjet e tyre. Por sot në vend të studentëve aty ka vetëm ferra, shkurre e mbeturina, pasi thirrjet për ta rihapur nuk janë pranuar.
Ferrat, mbeturinat dhe grafitët kanë mbuluar godinën ku deri katër vjet më parë hynin e dilnin studentë.
Në 7 vjet në Filialin e Universitetit të Tiranës, studiuan disa qindra të rinj nga zonat verilindore në Infermieri, Gjuhë të Huaj dhe Administrim-Biznes.
Por tashmë godina që i jepte gjallëri universitare Kukësit është lënë në harresë.
Shkëlqim Basha: Kukësi ka pasur më shumë gjallëri, më shumë studentë, më shumë lëvizje, më shumë punë. Fast Food-et punë, dyqanet punë. Tani edhe ta shikosh është në gjendje të mjerueshme.
Situata aktuale e objektit është një këmbanë alarmi se shumë shpejt ajo mund të degradohet, duke u kthyer në një objekt pa vlerë, për shkak të braktisjes.
Banorët e qytetit të Kukësit por edhe Hasit, Tropojës dhe Pukës, të cilët studionin në këtë filial, ngritën zërin për rihapjen e tij, madje edhe Bashkitë dhe Këshilli i Qarkut, por pa sukses.
“Tani pa Universitet të gjithë kërkojmë të ikim, të largohemi nga këtu, sepse ai sjell shumë ndryshime në jetën e përditshme të njeriut”.
Filiali i Universitetit të Tiranës në Kukës u çel në vitin 2007 me një numër të kufizuar studentësh, por edhe pse vit pas viti numri i tyre erdhi në rritje, ai u mbyll në vitin 2014.
Në vazhdimësi, banorët e qarkut verilindor kanë kërkuar rihapjen, por zyrtarisht nuk ka pasur asnjë tentativë për ti rikthyer kukësit degën e Universitetit./ora
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
