Cristiano Ronaldo vazhdon të shijojë pushimet, luan me të dashurën si “top futbolli”

Ronaldo dhe e dashura e tij po shijojnë pushime ‘të zgjeruara’ në mbarë Europën, pas lodhjes nga Botërori në Rusi.

Cristiano Ronaldo dhe Georgina Rodriguez nuk dukeshin aspak të lodhur të martën, teksa shijonin jahtin në Ibiza.

Futbollisti 33 vjeçar, dukej mëse në formë teksa hidhte në det të dashurën e tij 24 vjeçare.

Çifti dukej më i dashuruar se kurrë teksa kalonin pasditen në plazh.

Fillimisht po luanin në kuvertë teksa Georgina përpiqej t’i rezistonte forcës së Ronaldos për të mos rënë në det.

Gjithsesi, forca e tij, shpejt demostroi shumë, teksa e hodhi në det bukuroshen.

Pas lojrave në kuvertë, çifti u shfaq në një moment tepër intim në pjesën e pasme të jahtit.

Brunia bukuroshe u sigurua të theksonte ngjyrën e lëkurës me një palë bikini të bardha dhe dukej mrekullisht mirë edhe pas 9 muaj që ka lindur fëmijë.

Gjithsesi, Ronaldo shfaqi muskujt e tij, veshur me rrobabanjo të zeza, teksa relaksohej me të dashurën e tij dhe një mike të përbashkët.

Çifti shijuan kohën e këndshme me fëmijët e Cristianos: Cristiano Jr dhe binjakët Eva dhe Mateo, si dhe vajzën e tyre Alana Martina.

Gjatë një interviste dhënë në Janar, dy muaj pasi kishte lindur, Georgina pranoi se fëmija e kishte forcuar më shumë lidhjen me futbollistin.

Ajo tha për revistën ‘Hello!’: “Kjo na ka sjellë më afër me njëri tjetrin. Jemi më të lumtur se kurrë bashkë”.

Ajo shtoi se Ronaldo ka gjetur kohën për të ngrënë një vakt të veçantë me familjen e saj pas lindjes.

Ajo shpjegoi: “Kur u kthyem në shtëpi nga spitali, ai kishte organizuar një darkë surprizë me më të dashurit dhe të afërmit tanë. U ndjeva gruaja më me fat në botë.”

‘Kam gjetur dashurinë. Ne e kompensojmë njëri tjetrin shumë mirë. Kemi një marrëdhënie të bukur dhe kur ai është pranë meje, kam gjithçka. Ndihem e dashuruar nga ai dhe nën përkujdesje. Dashuria na mposht të gjithëve.’

/DRONI.al/