Banka e Shqipërisë ka dhënë miratimin paraprak për zotërimin nga Banka Amerikane e Investimeve sh.a. të 100 për qind të kapitalit aksionar të Bankës NBG Albania sh.a.
AbiBank është një bankë që kontrollohet nga Edi Rama. Bashkëshortja e tij, Linda Basha është një nga drejtueset e këtij institucioni financiar.
Sipas një njoftimi zyrtar të Bankës së Shqipërisë, Këshilli Mbikëqyrës miraton paraprakisht zotërimin e 100 për qind të aksioneve me të drejtë vote të kapitalit aksionar të Bankës NBG Albania sh.a. nga Banka Amerikane e Investimeve sh.a.
Marrëveshja për shitjen e Bankës Kombëtare të Greqisë (NBG) tek Banka Amerikane e Shqipërisë (ABI Bank) u bë publike në 2 shkurt të këtij viti.
Asetet e NBG Albania, filial i Bankës Kombëtare të Greqisë, në fund të vitit 2017-si, ishin 39.5 miliardë lekë, ose 2.7% e totalit të sistemit bankar. Banka kishte gati 4% të stokut të huave dhe 2.6% të depozitave, sipas të dhënave nga Shoqata e Bankave, të përpunuara nga Monitor. Për vitin 2017 ajo kishte deklaruar një humbje prej rreth 467 milionë lekësh.
Banka Kombëtare e Greqisë e shiti degën e saj në Shqipëri, në kuadër të strategjisë së saj për të ulur ekspozimin në vendet e rajonit. Një tjetër bankë me kapital grek, Tirana bank është aktualisht në shitje.
Më herët, Veneto Bank është përthithur nga banka tjetër me kapital italian Intesa San Paolo, në kuadër të bashkimit të tyre në Itali.
Pas blerjes së NBG nga ABI dhe përthithjes së Veneto nga Intesa, numri i bankave në vend pritet të reduktohet nga 16 në 14, teksa të tjera banka janë në shitje.
Procesi i konsolidimit të sistemit bankat pritet të ketë një efekt pozitiv në rritjen e eficiencës së tij dhe si rrjedhojë dhe në shërbimet që do të ofrojnë te bizneset dhe individët.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
