Një makinë u përplas me një motoçikletë, në rrugën kryesore të fshatit Këmishtaj të Divjakës. Për pasojë drejtuesi i motorit u plagos rëndë. Mihal Nushi, 64 vjeç u dërgua në spitalin e Lushnjës, kurse drejtuesi i “Benz”-it një 23-vjeçar nga Tirana Pjerino Jaupllari u shoqërua në polici për sqarimin e ngjarjes.
Sipas policisë lokale, shkak i aksidentit ka qenë mosrespektimi i rregullave në qarkullim nga dy drejtuesit e mjeteve të përfshirë në aksident.
Fillimisht Jaupllari ka dashur të shmangë përplasjen me një tjetër motor, por ka përplasur motorin që drejtonte 64-vjeçari, i cili nuk kishte kaskë në kokë dhe mori plagë të rëndë.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
