Ish-ministri i Brendshem, akuzuar per trafik droge tha sonte se nuk kishte ndermend te ndahej nga politika gjate nje interviste zhvilluar ne shtepine e tij me gazetarin Sokol Balla.
Pyetja:Pas kësaj, janë të shumtë ata që mendojnë se Saimir Tahiri e ka mbyllur karrierën politike, po ai vetë si mendon?
“Karriera politike nuk mbyllet me urdhër të askujt dhe nuk ka të bëjë me asgjë tjetër përveçse me besimin e njerëzve, nëse njerëzit besojnë tek e vërteta ime. Mua kjo nuk më shqetëson fare dhe nuk jam nga ata që fatin tim e lë në dorë të të tjerëve”, thotë ai.
Tahiri thotë se ai personalisht është njohur me procesin ndaj Habilajve në Itali nga ato që dolën në media dhe i rikthehet makinës dhe marrjes së saj në përdorim pasi e kishte shitur tek të akuzuarit nga autoritetet italiane.
“Zgjodha të merrja një makinë që e dha rasti për shkak se blerësi nuk ndërronte dot targat për shkak të bllokimit nga përmbarimi. Por me një logjikë të thjeshtë, nëse unë do të kisha gjë për të fshehur, do të merrja makinën time? Unë nuk doja të merrja makinën e punës dhe të shfrytëzoja makinën e punës për pushimet e mia”, deklaron ai, duke shtuar se në atë makinë përveç familjarëve të tij nuk ka udhëtuar askush tjetër.
Saimir Tahiri ftoi dy ish-oficerë policie, mes tyre dhe Dritan Zaganin të përballen me të në gjyq. Ai tha ata se kanë përfituar azil politik duke hedhur baltë ndaj tij.
“Zagani është hetuar nga Prokuroria e Krimeve të Rënda dhe është dënuar, di që ka fituar azil në kurrizin tim. Di që një oficer tjetër po të njëjtën gjë ka bërë. Është arrestuar për korrupsion dhe shkon atje e ka kërkuar azil në kurrizin tim prap. Është në modë të duket sikur një polic ka luftuar një bandë kriminale që ka pasur për kokë saimir tahirin. Le të vijnë që të dy të përballen me mua para drejtësisë”, u shpreh ai.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
