Erion Veliaj udhëtim luksi në Paris me charter

PD ka denoncuar udhëtimin lskoz të kryebashkiakut të Tiranës, Erion Veliaj, në Paris.
Sipas Grida Dumës, këtij udhëtimi luksoz i shtohet edhe avioni charter, me vlerë 60 – 70 mijë euro.
Duma e ka akuzuar kryebashkiakun si të kapur nga bizneset me interesa në Tiranë, duke aluduar për biznesin e plehrave, ku vdiq edhe adoleshenti Ardit Gjoklaj.
Përveç kësaj Duma ka denoncuar edhe mashtrimin e Erion Veliajt, i cili megjithëse në Paris, në Sri Lanka, apo gjetkë, shpërndan kaseta, sikur gjendet në punë në Tiranë.

Veliaj në Paris me çarter të paguar nga biznesmeni, dërgon kaseta në televizione sikur është në Tiranë

Grida Duma denoncon mashtrimin e Veliajt dhe kërkon transparencë për interesat që ka me bashkinë biznesmeni që pagoi udhëtimin e luksit

Dy ditë më parë, Erion Veliaj ka udhëtuar me një avion çarter nga Rinasi drejt Parisit.
Me të kanë udhëtuar zëvendësi i tij Mazniku, një ndihmëse e tyre dhe një biznesmen.
Avioni çarter është paguar nga biznesmeni.
Ndërsa Veliaj gëzonte luksin e Parisit, për qytetarët shqiptarë u kishte dërguar mediave një kronikë të gatshme, video sikur ndodhej në krye të detyrës duke inspektuar një kopësht në Tiranë.
Lehtësia me të cilën Veliaj mashtron publikun është tashmë e njohur nga të gjithë.
Të nesërmen e dasmës ai dërgoi kasetën në media sikur gjoja kishte dalë në punë.
Shkoi në Sri Lanka dhe përsëri dërgoi në media kasetën sikur punonte në Tiranë.
Është mania e pakontrolluar e një njeriu që mashtrimin e ka sëmundje patologjike.
Por rasti i fundit është më shumë se mashtrim. Eshtë dëshmi e pazareve të Veliajt me planin
urbanistik dhe kullat që ka vendosur të mbjellë në Tiranë. Nuk ka shqiptar që mund të mendoje se një biznesmen mund të paguajë për lluksin e Erion Veliajt pa përfituar gjë të paligjshme prej tij.
Prandaj, Erjon Veliaj duhet të përgjigjet publikisht: Pse udhëton me çarter për në Paris me një kosto të paktën 60-70 mijë euro?
Cila është urgjenca e një kryetari bashkie për të shkuar në Paris me çarter?
Kush e pagoi çarterin?
Çfarë interesash ka me bashkinë, biznesmeni që pagoi çarterin dhe qëndrimin luksoz të Erjon Veliajt në Paris? 

/DRONI.al/