Në minutën e 90 serbët ia kanë dalë të shënojnë 2 herë nëpërmjet kundërsulmit. I njëjti skenar përmes të cilit shënuan edhe portugezët në minutat e fundit. Mendjelehtësi dhe mungesë ritmi, bile edhe mungesë inteligjence nga lojtarët tanë. Këto difekte zmadhohen edhe më shumë kur ne ata i kemi edhe heronj që kanë ditur të fitojnë me skuadra të mëdha dhe jashtë Shqipërisë.
Kjo përsa i përket atyre në fushë.
Ndërsa ata që ishin në shkallët e stadiumit, njerëz të mekur që i zunë vendet e mijëra tifozëve me shpirt që ka kombëtarja jonë anembanë vendit. Mbetën jashtë shkallëve ata që gjejnë bileta në Kopenhagen e Lisbonë por nuk gjejnë në Shqipëri.
Pjesa e atyre me biletë nuk ishin tifozë, ishin spektatorë, njerëz racionalë që ishin atje për arsye ideologjike dhe shumë pak për futboll.
Cfarë ishin ata tifozë që dukeshin të gjithë si agjentë policie. Që nuk bënin zhurmë.
Cfarë është një stadium i qetë për skuadrën tënde! Thjeshtë një pabesi. Ne nuk po luanim për sjellje por për futboll. Ishte thjesht lojë dhe jo provë për policinë dhe qeverinë se sa ia dalin të seleksionojnë të urtët për në stadium dhe zhurmaxhitë në qeli.
Megjithatë le të qëndrojmë në zonën e lumtur sërish. Ka edhe një shans tjetër. Mjafton që zyrtarët të mos shkojnë në stadium dhe është e sigurtë se nuk do të shkojnë pasi ndeshja nuk është në Elbasan.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
