Drejtoria e Policisë së Qarkut Elbasan, ka bërë ët ditur se ka marrë një sërë masash organizative në drejtim të sigurimit të rendit dhe qetësisë, për zhvillimin sa me normal të ndeshjes së futbollit, Skëndërbeu – Dinamo i Zagrebit, Kroaci, e cila do të zhvillohet më datë 19. 08. 2015, në orën 20:45, në Stadiumin “Elbasan Arena”.
Duke ju kërkuar qytetarëve bashkëpunimin dhe mirëkuptim, Drejtoria e Policisë së Qarkut Elbasan bënë me dije se hyrja e sportdashësve do të jetë 2 orë para ndeshjes, me qëllim shmangien e radhëve në hyrje për në Stadium.
Për këtë ndeshje, mësohet se do të angazhohen 140 punonjës policie nga FNSH-ja (Forcat e Ndërhyrjes së Shpejtë), 40 punonjës policie nga Sektori Qarkullimit Rrugor, 140 punonjës policie nga Seksioni Rendit, 50 punonjës policie nga Seksioni i Parandalimit dhe Hetimit të Krimeve, si dhe 50 punonjës policie nga Drejtoritë e tjera.
Polica saktëson se nuk do te lejohen marrja e fëmijëve të mitur pa u pajisur me biletë.
Në hyrje të stadiumit, mësohet se do të kontrollohen të gjithë sportdashësit.
Po kështu, të gjitha lokalet në afërsi të Stadiumit nga ora 18.00 dhe deri në përfundim të ndeshjes të marrin masa për tu mbyllur, tërheq vëmendjen policia e Elbasanit.
Drejtoria Policisë Elbasan i kërkon qytetarëve që të minimizojnë më datë 19 gusht 2015, lëvizjen e tyre me automjet brenda qytetit të Elbasanit, ç’ka do të sillte një ndihmesë të madhe në zhvillimin e këtij aktiviteti.
Sportdashësit që do të marrin pjesë në këtë aktivitet janë të lutur të mos kenë me vete
a) sende të forta
b) shishe (të çfarëdolloj)
c) fishekzjarrë
Në të kundërt NUK do të lejohen në hyrje të stadiumit
Bllokimin dhe ndalimin i qarkullimit te mjeteve në këto segmente rrugore
1- Do të bllokohet shëtitorja nga Stadiumi deri te 1 Maji
2- Nga Bashkia deri në dalje të Unazës
3- Nuk do të lejohen parkimet ne sheshin përpara Pallatit Sportit
4- Nga rrethrrotullimi i luleve deri te rrethrrotullimi i Zaranikës
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
