Një ngjarje e rëndë ka ndodhur në Divjakë gjatë orëve të vona të mbrëmjes së të hënës. Një klient i dehur ka tentuar të përdhunojë bashkëshorten e pronarit të lokalit, ku po konsumonte alkool dhe kjo ka çuar në një sherr të madh.
Historia nuk ka mbaruar me kaq, pasi pronari ka marrë çiften dhe e ka qëlluar për vdekje 42-vjeçarin me iniciale A.LL. Petrit Toromëni u arrestua menjëherë nga policia, ndërsa mësohet se viktima dhe vrasësi janë banor të të njëjtit fshat.
Njoftimi i policisë:
Policia e Shtetit njoftoi se mbrëmjen e së hënës, rreth orës 23:40 , është njoftuar se në fshatin Goriçaj të Divjakës ka ndodhur një vrasje. Mënjëherë është nisur drejt vendit të ngjarjes grupi hetimor i cili ka konstatuar se në një lokal është qëlluar me armë gjahu A.Ll, 42 vjeç, banues në Goriçaj, Divjakë, i cili ndërroi jetë rrugës për në spital.
Policia e Divjakës zbardh ngjarjen dhe arreston në flagrancë autorin e dyshuar. Nga hetimet paraprake rezultoi se autori i dyshuar i kësaj ngjarje është shtetasi Petrit Toromëni, 42 vjeç, banues në fshatin Goriçaj, Divjakë, pronari i lokalit ku ka ndodhur vrasja.
Dyshohet se vrasja ka ndodhur si pasojë e një konflikti të çastit për motive të dobëta. Policia po punon për zbardhjen e plotë të rrethanave dhe shkakut të ngjarjes.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
