Në ditën përkujtimore të dëshmorëve të atdheut një mesazh për qytetarët e ka dhënë edhe kryetarja e LSI-së, Monika Kryemadhi.
Në një postim në Facebook, Krymadhi shkruan se nderimi ndaj dëshmorëve është nderim për historinë e popullit, që na frymëzon që na frymëzon të mbajmë të shenjtë amanetin e tyre për Shqipërinë e lirë.
Postimi i Kryemadhit:
Në 5 maj i gjithë Atdheu mban frymën në respekt të pafund për të rënët për atdheun, martirët e kombit që sakrifikuan jetën e tyre e në emër të Shqipërisë.
Lufta për çlirimin e atdheut gjaku i derdhur, jetët e flijuara dhe sakrificat sublime për lirinë e tij, janë gdhendur si dëshmia monumentale e një populli që ka luftuar në mënyrë të paepur me pushtuesit gjatë gjithë historisë së tij.
Nderimi ndaj dëshmorëve, është nderim për historinë e popullit, por është edhe një referencë krenarie, që na frymëzon për ta mbajtur të shenjtë amanetin e tyre, Shqipërinë e lirë, shtëpinë tonë të përbashkët!
Lavdi e përjetshme dëshmorëve të atdheut!
ShqipëriaShtëpiaJuaj
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
