Vrasja e shqiptarit/Miqtë nuk harrojnë Viktorin, mbledhin lekë për kthimin e trupit në Shqipëri

Ndaje

Qindra njerëz u mblodhën dje në mbrëmje në Abbey Largo, afër Arch, sheshi ku Viktor u vra të mërkurën në mbrëmje. Pas apelit të prindërve se nuk kanë mundësinë të tërheqin trupin drejt Shqipërisë, ata do të mbledhin sasinë e nevojshme të parave për të siguruar transportimin e trupit drejt vendit të lindjes.

Miqtë e tij, por dhe njerëz që solidarizohen me rastin tragjik të humbjes së të riut shqiptar, janë mbledhur në shesh, për të kujtuar Viktorin.

“Ishte një djalë i qeshur, i cili e donte jetën, erdhi këtu për një të ardhme më të mirë. Ai kishte një zemër të madhe dhe mori nën mbrojtje më të dobëtit “, kështu e kujtojnë miqtë e tij mes lotësh.”

“Ne nuk jemi këtu për të argumentuar. Ne besojmë në drejtësinë italiane, ne do të japim kontributin tonë, por ne kemi nevojë për ndihmën tuaj. Ne besojmë në ju njerëz me një zemër të madhe, gjithmonë të gatshëm për të ndihmuar të tjerët. Një gjest i mirësisë dhe dashurisë fiton mbi ligësinë, një gjest solidariteti na bashkon në një drejtim atë të paqes dhe dinjitetit njerëzor dhe respekt për jetën përtej fesë, kombit dhe ngjyrës “, u shprehën ata.

Miqtë dhe njerëzit e mbledhur nuk ngurruan të falenderonin kryetarin e bashkisë dhe autoritetet për lejimin e organizimit të mbledhjes së fondeve. Tani anëtarët e familjes do të duhet të presin për autorizimin e Gjyqtarit, para se ata të mund ta përqafojnë Viktorin dhe të vazhdojnë me ritin e funeralit.

Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/

loading...
Loading...

Leni një përgjigje