Përjashtimi i peshëngritjes nga Lojërat Mesdhetare nga Komiteti Olimpik Shqiptar, për shkak të rasteve të përsëritura të dopingut, nuk është pritur aspak mirë nga 3 kampionët e njohur shqiptarë, Erkand Qerimaj, Daniel Godelli dhe Briken Calja, që sot janë përballur me drejtuesit e KOKSH.
Sportistët kanë paraqitur edhe ftesën që kanë marrë nga organizatorët e Lojërave Mesdhetare që të marrin pjesë në aktivitetin që zhvillohet muajin e ardhshëm në Spanjë. Së bashku me sportitstët janë bashkuar edhe trajnerët e tyre, ndërsa kanë mbështetjen edhe të federatës së peshëngritjes.
Sportistët me trajnerët e tyre kanë vendosur që të bëjnë një grevë, duke qëndruar në ambjentet e KOKSH deri në një përgjigje pozitive për pjesëmarrjen e tyre në Lojërat Mesdhetare, ndërsa drejtuesit e KOKSH telefonikisht i kanë lajmëruar se vendimin do ta marrin të enjten.
Trajneri i Erkand Qerimajt dhe ekipit Kombëtar u shpreh se “është mëkat që jemi i vemti vend në botë që nuk kemi një medalje olimpike dhe sot që këta 3 kampionë janë në formë të shkëlqyer sportive dhe pretendojnë medaljet, KOKSH i mbyll derën”.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
