Shoqata Antikomuniste e të Përndjekurve Poltikë në Shqiëpri, ka falënderuar ambasadorin amerikan Donald Lu, për bojkotin që ai i bëri seancës së votimit në Kuvend të Gramoz Ruçit, si kryetar.
“Pranoni ju lutem falënderimet e mia të përzemërta për qëndrimin tuaj të qartë protokollar ndaj këtij skenari makbethian të shumicës politike ish-komuniste. Ky qëndrimi i Juaj na jep shpresë se përpjekjet tona 70-vjeçare për liri e demokraci nuk do të mund të dështojnë dhe se SHBA-ja ndan me në të njëjtin qëndrim ndaj krimeve të komunizmit apo të tjerë të ngjashëm me to”, shkruan midis të tjerave, në letrën e tij, Nebil Çika, kryetari i Shoqata Antikomuniste të të Përndjekurve Politikë në Shqipëri.
Letra e plotë
Nr. Prot. Tiranë më, 15. 09. 2017
Falënderim
Ambasadorit të SHBA-së në Shqipëri SH. T. Z. Donald Lu
I nderuar Shkëlqesi !
Me lejoni që ne emër të të përndjekurve politikë antikomunistë të Shqipërisë t’iu shpreh konsideratën me te lartë për qëndrimin tuaj dhe te vendit qe përfaqësoni ndaj zgjedhjes ne krye te Kuvendit të Shqipërisë te ish ministrit te fundit te brendshëm te diktaturës komuniste Gramoz Ruçi.
Mos prania Juaj në aktin e turpshëm e kriminal të zgjedhjes se ish drejtuesit te Sigurimit te Shtetit veglës me kriminale e me terroriste te diktaturës komuniste ne Shqipëri, përgjegjëse për krime kundër njerizimit dhe gjenocid ndaj shumicës së popullit shqiptar është për ne një akt fisnik dhe demonstrim publik nga ana Juaj i vlerave e standardeve për lirinë demokracinë e dinjitetin njerëzor qe përfaqëson vendi e shteti juaj.
I nderuar shkëlqesi!
Për 45 vjet diktuare SHBA ka qene për ne te përndjekurit politike antikomuniste jo vetëm modeli i lirisë e demokracisë por edhe shpresa e shpëtimit nga e keqja e madhe qe na kishte pllakosur .Shume prej nesh janë vrare, burgosur, internuar e persekutuar për shkak se donin e vlerësonin Amerikën, gjë diktatura komuniste e konsideronte krimin me të rendë. Me gjithë përpjekjet kriminale te diktaturës për te na ndaluar ne kundërshtaret e saje nuk reshtem se besuari te SHBA dhe vlerat e standardet e sajë shume dimensionale , gjë që vazhdojmë ta bëjmë edhe sot.
Shkëlqesi ambasador!
Pranoni ju lutem falënderimet e mia të përzemërta për qëndrimin tuaj te qarte protokollar ndaj këtij skenari makbethian të shumicës politike ish komuniste .Ky qëndrimi i Juaj na jep shprese se përpjekjet tona 70 vjeçare për liri e demokraci nuk do te mund te dështojnë dhe se SHBA-ja ndan me në te njëjtin qëndrim ndaj krimeve te komunizmit apo te tjerë te ngjashëm me to.
Me respekt
Kryetari
Nebil Çika
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
