Kreu i PD, Sali Berisha kishte një pyetje këtë mbrëmje për kreun e SPAK, Altin Dumanin: Pse e mban të fshehtë dhe në mbrojtje terroristin që shkrehu breshëri mbi Top Channel dhe vrau rojen e pafajshme aty?, pyeti Berisha.
“Do i bëjmë një pyetje sonte: po pse e mban të fshehtë dhe në mbrojtje ti terroristin që shkrehu breshëri mbi Top Channel dhe vrau rojen e pafajshme aty?
Ka 6 muaj që policia e shtetit ka deklaruar se është kapur autori i aktit terrorist.
Atëherë, çfarë ke ti, kush të urdhëron ti?
Edi Rama të urdhëron të fshehësh një terrorist që vrau një njeri të thjeshtë?
Vrau një roje. Po pse çfarë ishte ai, njeri pa emër ishte ai që u vra në krye të detyrës.
Ja pra miq, ky është Altin Zamani, që ka vetëm një preokupim madhor se duhet të ndryshojë Kushtetutën për karrigen për menderen e tij.
Pas 9 vitesh, edhe Gjykata Kushtetuese, edhe Gjykata e Lartë gjithnjë kanë pasur 7 apo 9 vite.
Në vijim Berisha tha se Artur Metani vepron sipas urdhrave të Edi Ramës.
“Sot, një nga kriminelët e aferës së djegësave, Artur Metani, ishte edhe ai në parlament.
Deputetja Elda Hoti e pyeti a ka afat ligjor për zbardhjen e vendimeve nga gjykata.
Ka, por nuk tha se gjykatat vendimet i vonojnë tre herë, pesë herë, dhjetë herë jashtë afatit ligjor.
Se qindra të paraburgosur u liruan dy vite në paraburgim pa marrë vendimin e gjykatës.
Apo mbetën pa u liruar.
Miqtë e mi, të gjitha këto janë urdhrat e Edi Ramës.
Të gjitha këto vijnë nga zyrat e Edi Ramës.
Ndaj dhe kjo betejë mbyllet vetëm me fitoren, me triumfin tonë.
Erion Veliaj, të shoh që si hije, si hienë fshehtas kalon nga vend në tjetër. Zyra të ha, zyra të tmerron.
Jep dorëheqjen se edhe njëherë të them”, tha Berisha.
. a.b
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
