PD vendos të votojë amnistinë, Bardhi kërkon Ramën në Parlament për vëllain

Nënkryetari i PD Gazment Bardhi tha sot se PD ka dhënë konsensus për amnistinë duke siguruar se asnjë zyrtar në hetim nga SPAK nuk do të amnistohet.

“Ka një traditë të konsoliduar në miratimin e amnistive herë pas here. Në rastin konkret, grupi i PD është kujdesur që drafti të jetë i njëjtë me draftet e mëparshme për të cilat opozita ka dhënë votën pro, me dy apo tre dallime thelbësore në amendamentin që ka dorëzuar dje. Së pari asnjë anëtar i krimit të organizuar nuk përfiton asnjë lloj amnistie, ndryshe nga viti 2014 ku me votë të Bashës ka pasur amnisti. Asnjë zyrtar, objekt i posaçëm që hetohet nga SPAK nuk përfiton asnjë lloj amnistie, për çfarëdolloj vepre penale. Së treti, ndryshe nga amnistitë e tjera, në këtë rast janë përfshirë të gjitha rastet e protestuesve të opozitës, por edhe të shoqërisë civile. Nuk ka asnjë zyrtar të korruptuar apo të hetuar, apo që është në proces gjyqësor për të gjitha çështjet që ju keni ndjekur gjatë këtyre viteve, që të përfitojë nga Amnistia. Ka një draft të miratuar nga Ligjet, mirëpo kushti jonë ka qenë ai që kemi shprehur shqetësim, që s’duhet të ketë asnjë zyrtar të lirë apo ish-funksionarë të lartë që të përfitojnë. Është për t’u përshëndetur që mazhoranca e pranoi këtë kusht, një ndër dy kushtet tona për ta votuar të gjithë sëbashku si një akt human ndaj qytetarëve në nevojë.”

Ndërsa në lidhje me reagimin e Lulzim Bashës ai tha se është hera e parë që zgjohet në 8 të mëngjesit.

“E para është lajm i mirë që zoti Basha ishte zgjuar që në orën 8. Dua të shtoj dhe një gjë te propaganda e mëngjesit, na akuzuan fillimisht se ne po kërkonim pazar se janë mësuar që çdo gjë ta trajtojnë ashtu, nisur nga eksperienca e tyre. Ne nuk i kemi parë kurrë ligjet për të bërë pazar, e kemi parë opozitën si mision përballjeje.”

Gjatë fjalës së tij në Kuvend Gazment Bardhi e quajti refuzimin prej kryeministrit Edi Rama për interpelancë si “dhunim të Kushtetutës”.

Kryetari i Grupit Parlamentar të PD-së, Gazment Bardhi, i bëri thirrje Kryeministrit, hajde në kuvend dhe sqaro pozicionin e vëllait tënd Olsi Rama, në trafikun e drogës në Xibrakë. Sqaro pse u dekonspirua nga policia operacioni për arrestimet në Xibrakë.

“Parlamenti nuk mund të trajtoi përfshirjen e vëllait të kryeminsitrit në trafik droge, si çështje personale. Pse ju trem kjo interpelncë. Ka të dhëna se policia e ka dekonspiruar operacionin. Te vije Edi Rama në seancë të mos fahihet pas Kryeparlamentares. Të jap llogari pse policia e shtetit dekonspiroi operacionin. Fshihet pas Elises, pas teje, pas ministrave”, tha Bardhi. a.b

/DRONI.al/