Deputeti Gazment Bardhi e akuzoi mbrëmë Tonin Vocajn, zv/drejtor i Përgjithshëm i policisë si personin që ka realizuar skenarin e fotos së grupit të zjarrit. Kjo është një foto ku persona me rroba të zeza e fytyrë shpesh të mbuluar qëndrojnë një ambient në selinë e PD duke shkrepur një foto me sanitaren e selisë.
“Dy ditë para protestës në komisariatin dixhital të Policisë së Shtetit. Me skenar me në krye Tonin Vocaj me lidhje miqësie dhe kriminale, mos më bëj zhurmuesin. Tonin Vocaj zv/drejtori me ish-zv.drejtor Agron Kuliçajn po ndërtonin një skenar për të përfshirë zyrtarë të PD. Informacionet ua kemi dhënë partnerëve ndërkombëtare. Këta persona kanë stisur një foto” – tha Bardhi.
Pas kësaj akuze Voci ka dhënë shpjegimet e veta në lidhje me akuzën duke premtuar edhe një padi për Bardhin.
“Lidhur me deklaratat e Zotit Gazment Bardhi në emisionin tuaj, hedh poshtë me neveri të gjithë shpifjet dhe akuzat qe hedhin baltë mbi figurën time dhe atë të Policisë së Shtetit.
Kam 40 vite pa ndërprerje që jam pjesë e Policisë së Shtetit dhe gjatë gjithë karrierës time nuk kam qenë asnjëherë pjesë e inskenimeve dhe manipulimit të provave, por kam ushtruar detyrën time me devotshmëri dhe përgjegjshmëri vetëm në zbatim të ligjit. Pas këtyre akuzave, jam duke konsideruar me seriozitet një kallzim penal për shpifje ndaj zotit Bardhi” – thote Vocaj. a.b
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
